هاذي حياتي

 

السعوديون وقدسية  مطاعم البيك :

 

الكل فينا يعرف مطاعم البيك المشهور للبروستد و هي سلسلة مطاعم للوجبات السريعة يمتلكها رجل اعمال فلسطيني وهذا اللي ما ساعدة في انتشار السلسلة على مستوى السعودية مما جعله يكتفي بالحجاز فقط ( مكة و جدة  و الطايف ) و الطايف قريبا فقط تم افتتاح المطاعم فيها يعني مهو من زمان….. ما علينا …  يقولون انه ما قدر يفتح بالرياض لان واحد من اللي بالي بالكم و يقولون انه من اصحاب السمو الملكي و قف بطريقه ..

 سيناريو و حوار ::

الامير : افا يا ذا العلم …. الفلسطيني بيكوش على السعودية و بياخذ الكيكة لحاله … مستحيل … انا لازم ااوأف أوصادة و اسد الطريئ عليه … كفاية عليك مكة و جدة.. انتهى.

<<<<<المهم

 انا ما على وين ما يفتح البيك يفتح الله يوفقه بس المهم حاجة تاااااااااااااااانية خاااااااااااااااااالص…

 الناس بصراحة غريبين و خصوصا السعوديين  لما تقابل واحد او وحدة و يدري عنك انك من مكة او جدة و يكون او تكون هو  هي مش من الحجاز يعني من القصيم او الرياض او الشمال … يصير فيه سيناريو و حوار قد ضاقت به نفسي ذرعا من كثرة تكرره معي ..

.سيناريو و حوار:

 الشخص اللي من الرياض او القصيم او الشمال:  هلا انا :   ………………………………………..:   اهلين و مرحبتين

بغد ديباجة طويلة عريضة ((( سوالف و هموم  الحياة اليومية  )).. عاد احنا مو ببريطانيا يسالك عن الطقس و ترد علية فاين و اوك …. لا و الف لا … لازم يعرف فصلك و اصلك و نسلك ( حلوة نسلك ) ووين تسكن و بيتكم ملك والا ايجار و بزرانك (( يعني ورعانك او اولادك )) كم عددهم.. يعني يشتغل لك المحقق كونان .. لازم ما نتكلم مع بعض الا و احنا كاشفين بعض  يعني غير كذا ما يصلح و الا يفتح الله …

نكمل الحوار ..

الشخصية القصيمية او الرياضية او الشماليه: يا سلام انتم في مكة

انا ……………………………………….: ايوه .. بس ليش الاستغراب

انا .. < <<يجي في بالي حاجة تخص مكة كبلد مقدس و ديني… ما علينا

 الشخصية السابق وصفها : لا.. بس حظكم

 انا ……………………: ليش طيب ..حظنا

الشخص السابق ذكره:    حظكم عندكم البيك

 انا …………………: لا تعليق << فاست فود مثله مثل غيرة << ماك و برجر كنج و هارديز و عمو كنتاكي

الشخص السابق حديثة  : و تشترون منه كل يوم ؟؟

انا …………………. :أمممماااااااا  و ليه كل يوم بعدين تحوم كبودنا منه و هو ما في في البلد غير ذا الولد  >> راح اغير الموضوع طبعا

 << قفلنا الحوار لاني ما اقدر اكمل بيكوز ات از بورينق .

انتهى.

تعالوا معايا لو كان الحوار مع احد الناس الثانين اللي مش سعوديين و كمان ما عندهم البيك…. راح يكون العكس تماما و هذا هو الممتع ….راح لما يعرف انك من مكة على طول يقول

:السيناريو و الحوار::

انا ……: من مكة

الاجنبي : يا سلام … انتم محظوظيييين

انا …….: ليش

 الاجنبي : لانه عنكم بيت الله و كفاية عليكم الجو الروحاني اللي عايشينه

انا…….. : شكرا و تسلم …. <<< بلا بيك بلا وجع راس

انتهى

.لحظة تنوير::

شفتوا الفرق بين السعودي و بين الاجنبي … يعني الموضوع مدري هو يخص عادات غذائية ام شرائية ام ماذا .. هل نتناسى اهمية حداثة المكان بالنسبة لنا و نتذكر اشياء موجودة عندنا و حتى لو كانت مش موجودة اكيد فيه عندنا بدائل لها.. << يا هاااانم اهدي… 

 فقط لنسمو بحوارنا قليلا و نحسب حساب كل جوهرة تطلع مو أفواهنا .. هذا هو مقياس الاختلاف الفكري عندنا (( ليس التخلف الفكري )) لانه حاجة ثااااااااااانيه خاااااااااااالص..

شي ما شفتوه..

انا احب اشتري من البيك بس مو دايما و خصوصن احب الحراق لووووووووول