هاذي حياتي

مجتمع يعشق القبلات ماهي القبلة … 

 مو قبلة الصلاة !!!!  لااااا

هي اسلوب للتعبير عن الحب و الاشتياق!!!!

يسلكه الكبير و الصغير, و الذكر و الانثى, والعاقل و المجنون, و الغني و الفقير, و المواطن و المقيم , و السعودي و الغير سعودي !!!

kiss in english هي  القبلة بالفصحى   و البوسة بالعامي و الحبة بالنجدي و   

 و بعدين انا قصدي حبة الخد مو مكان ثاني <<<<لووووول

و زي ما قالت فيروز

 سلملي علية و(  بوس ) لي عينيه … انتا ياللي بتسأل عليه

و كمان زي ما قال رضا العبدالله

قلي من فين ابوسك حتى ترتاح ….. من وجنتك لو خدك يا تفاح ابوسك من جبينك … لو من رمش عينك … بحر بيني و بينك… اجيلك لو مية بحر… اجيك سباح

و كثير كثير كثير من هالكلام

بصراحة انا ضد البوس من غير داعي … بس للناس اللي لهم داعي.. و انا بقول هم مين

ليه لما نقابل شخص ما نكتفي بالمصافحة و التربيت على الاكتاف  و بس و كذا نصير حبايب!!! << زي السودانيين ااااي يا زوول

لازم يعني نطبع قبلتنا على خدودة الاثنين….

والا كذا ما نحب بعض

بصراحة بعض المرات يكون الواحد متضايق من نفسة و ما يبغى يبوس احد او يكون مريض و ما يبغى ينقل عدوى للاخرين …. عشان كذا يحاول انه يسلك اسلوب معين و يبدي عدم رغبته في تبويسك اذا الاول بادر  …  فيحصل رد فعل غريب ناتجة ان الشخص يزعل منك و ياخذ موقف بعد… ممكن تصير لاي شخص مننا!!!

المهم نحن في مجتمع يعشق التقبيل  لدرجة فظيعة… بس فيه ناس لازم نبوسهم برضو

الوالد و الوالدة الله يحفظهم و هذا نوع من برهم

و كمان حبة راس الجد و الجد تبجيلا لهم و لوالدينا

 اختي واخوي كمان لازم ابوسهم مدري ليه بس عشانهم اخواني !!!

زوجي طبعا لانه … لانه قوزي حبيبي و ابو عيالي

 و البزران الصغار اذا جينا من الدوام و عطيناهم حلاوة نقول لهم وين بوستي طيييييب

صديقك اذا كنت ذكر او صديقتك اذا كنت انثى بحكم التنميط الجنسي بينكم طبعاو بالذات الحريم … هذا فيه تنميط زايد عن اللزوم و فيمنن سوليديريتي

 امممااااااااااااااا  دكتورة بالجامعة و ما اعرفها ….. ابوسهاا …. موقف حصل..

(( و هذا هوه ))

كنا بحفل العيد منظمته كلية الاعلام  و قالت اختي تعالي نسلم على دكتورة فلانه ((…..)) المهم مديت يدي للحرمة على اساس اني بصافحها و بس ..!!! الا العجيز تشدني مع يدي و تصقعني بكذا بوسة …. ماحبيت احرجها  بصراحة<<< لوول

بس عاد كيف لو يوم شدتني ثبتت بمكاني !!!!<<< اتخيل وجهها يضرب الوان <<< لووول

كمان فيه وحدة اعرفها  (( زميله فقط )) تشوفني يوميا و كمان لازم تصقعني بوسة و هي جاية و كمان  هي رايحة<< الله يستر عليها بس

 طيب كيف هالحين اذا ما ابغى احد يبوسني اش اقول طيب انا اقول لكم اش اقول …..

بصراحة باخذ براي رائد القرارات العصرية و الجديدة (( بالعهد اللي ما بعد فهد )) خادم الحرمين الشريفين ابوي ابو متعب … و اقووووول..

و زي قرار التطبيع و قرار السلام مصافحة ما شفت <<< لوووووووووول

(((  لو سمحت ,, لو سمحتي ,,, السلام مصافحة !!!!!!  )))

اش رايكم؟؟؟

<<<<< شايفة نفسك الملك عبدالله انتي و وجهك؟؟

 استروا ما واجهتوا